Castell Aberteifi
Yn dathlu 850 mlynedd ers i’r Arglwydd Rhys adeiladu’r Castell a chynnal yr Eisteddfod gynta’ un ‘ma.
Dilynwch ni ar Facebook ag Instagram
CastellAberteifi.CardiganCastle
Mae’r Castell ar agor bob dydd Mercher, Iau, Gwenner a Sadwrn rhwng 11 a 4; dewch yn ôl yma neu ewch i’n cyfryngau cymdeithasol i gael y wybodaeth ddiweddaraf am yr oriau agor ac unrhyw newidiadau.
‘Stafell Ddianc
Stafell Ddianc unigryw – gêm sy’n gofyn am dîm o 2 – 6 person. Wedi ei ysbrydoli gan hanes Castle Green House, rhaid i’r tîm brofi bod pawb yn ddi-euog a dod o hyd i’r lleidr, er mwyn cael dianc o fewn yr awr.
Mae bwyty 1176 ar agor
bob dydd o 8.30yb
YMUNWCH Â THÎM CASTELL ABERTEIFI!
Hoffech chi weithio mewn lleoliad arbennig?
Mae Castell Aberteifi yn chwilio am Bobl Cadw Tŷ profiadol i ymuno â’n tîm cyfeillgar.
Os ydych yn weithgar, yn ddibynadwy ac â llygad craff am fanylion, byddem wrth ein bodd yn clywed wrthoch!
✨ Gweithio yn un o adeiladau hanesyddol mwyaf eiconig Cymru
✨ Ymuno â thîm bach a chyfeillgar
✨ Gwneud gwahaniaeth i brofiad ein hymwelwyr
Am fwy o wybodaeth: info@cardigancastle.com
ARDDANGOSFA O GREIRIAU
Gwaith grwp detector metel – casgliad o wrthrychau o’r ardal sy’ wedi eu canfod yn ddiweddar!
Aros yn y Castell
Lle hollol unigryw i aros. Lle moethus, lle hanesyddol. Beth am fwynhau tawelwch y gerddi a’r Castell wedi bawb adael am y dydd.
Gerddi ‘Regency’ Hyfryd
Beth am fynd am dro drwy’r gerddi o gyfnod y Rhagfrenin dan gysgod coed hynafol. Blodau a phlanhigion rif y gwlith.
Digwyddiadau
Ma’r Castell yn gartref i ddewis eang o ddigwyddiadau o gyngherddau roc a theatr i weithdai a ffeiriau amrywiol – ry’n ni’n cynnig rhywbeth i bawb.
Lleoliad Delfrydol
Chwilio am rhywle i briodi , dathlu dyddiad neu benblwydd arbennig? Neu’n chwilio am le i gynnal cyfarfod neu gynhadledd. Y Castell yw’r lle perffaith.
Digwyddiadau’r Cyfnod
Be’ sy’ mla’n…
Dydd Sadwrn, 28 Tachwedd 2026 am 10:00 - 4:00 pm
FFAIR NADOLIG Y CASTELL
Diwrnod i’w nodi – y Ffair Nadolig flynyddol yn y Castell, sy’n gychwyn arbennig i ddathlu’r Ŵyl. Os oes diddordeb... Read more
Darllen Mwy
Tocynnau i’r Castell
I arbed amser wedi cyrraedd y Castell, beth am brynu’ch tocynnau yma ar-lein? Yn ddilys am 7 niwrnod o’r ddiwrnod y pryniant. Neu beth am brynu tocyn blwyddyn sy’n rhoi mynediad am ddim, am 12 mis wedi’r pryniant cynta’? Os ydych yn bwriadu ymweld â’r Castell fel grwp o 25 o bobl, neu fwy; cysylltwch â’r Castell ar 01239615131 neu ebostiwch info@cardigancastle.com
Beth am brynu tocyn blwyddyn?
Be’ sy’ angen iti w’bod cyn ymweld
I wneud yn siwr bo ti’n joio dy ymweliad , dyma bethe pwysig i’w cofio am y Castell.
Mynediad i bobl ag Anghenion Arbennig
Ma’r llwybrau ‘ma yn addas ar gyfer cadair olwyn , ac mae cadair olwyn ar gael os oes ei hangen. Ma lifft i gael yn Castle Green House
ac ma’ 1176 is yn hygyrch o erddi’r Castell.
Cŵn
Ma croeso i gŵn ar dennyn, £2 i bob ci – a dau gi yn unig i bob person sy’n ymweld. Yn anffodus dy’n ni ddim yn caniatau cŵn yn ein digwyddiadau ar wahan i gŵn tywys, nag i’r Ffair Nadolig. Nid yw’n bosib i gŵn fynd i mewn i Castle Green House, ond mae’n bosib archebu bwyd a diod o fwyty 1176 ag eistedd gyda’r ci tu allan o fan y feranda. Tai Bach a Chyfleusterau Newid Babi.
Ma’ toiledau a chyfleusterau i newid babi yn ardal Siop y Castell ac yn Castle Green House.
Parcio
Yn anffodus d’oes dim lle i ymwelwyr barcio yn y Castell gan fod hwnnw wedi ei gadw ar gyfer pobl sy’n lletya yma.
Lleoliad y maes parcio agosa i’r Castell yw ar waelod Stryd y Cei sy’n funud o daith o’r Castell.
Ma sawl maes parcio arall o fewn 2, 3 a 4 munud o gerddediad o’r Castell ynghanol y dre’.
Oriau Agor y Castell
Rydym ar agor bob dydd rhwng 10yb-4yp
Cym’rwch olwg ar y wefan i gael y manylion diweddara’ yn ddyddiol.
Mae Llety’r Castell ar agor ar hyd y flwyddyn.
Cysylltu ‘da’r Castell
Os oes ‘da chi unrhyw gwestiynau am eich ymweliad, cysylltwch drwy ffonio:
01239 615131
info@cardigancastle.com
Uchafbwyntiau tymhorol
Be sy’ ar y gweill dros y misoedd nesa?
Mae’r Castell yn cynnig darpariaeth Gwely a Brecwast neu Lety Hunan-arlwyo moethus. ‘Stafelloedd dwbl, stafelloedd i’r teulu , bythynnod neu apartment sy’n dathlu ein treftadaeth. Ma’r dewis perffaith i chi yma’ n y Castell.
